- 781 -

1454. Juli 22. Auras.

Cunrad der weysz von gotis genaden in Slesien vnd zur Cosil herczog.

Vnsir gunst vnd alles gut zu(vor). Edelen, gestrengen, woltuchtigen erbaren vnd wolweysen, besunders guten gonner, noch dem wir denne die hochgeborne furstynne vnd frawen, fraw Hedwig, herczogynn zcu Legnicz vnsir libe swester vormols schriftlichen vnd muntlichen vor Ambrosius dem alden statschreibir alleyne gebeten hoben an seynem leben zcu fristen, no sind vns andir sachen hewte vor awgen komen, dy etlicher mosz nicht zcu schreibin noch empieten steen, beten wir euch alle mit begerlichem fleisz, ir wellett doran sein, das Ambrosius vnd alle andir gefangene rete vnd inwoner zcu Legnicz an irm leben gefrist werden vnd bey irem le(ben) (ent)halden, solang bisz wir mit vnsir liben swester vnd. euch a(llen) aws solichen sachen persenlichen gereden mochten, vnsir libe s(wes)tir vnd euch der sachen eygentlichen entrichten mochten. Das wellen (wir) kegen euch allen in gut vorschulden, dorynn wir nicht andirs vors(tehen) kenne, denn das is vnsir swester vnd euch allen zcu eren vnd red(lich)keit komen wirtt, vnd villeicht das an irfaren, das to vormols (of)finbar nicht ist wurden vnd begern ewer vorschriben antwurtt. Geben zcu Awris am tag Marie Magdalene anno domini etc. LIIII°.

O. d. St. L. No. 426. Auf der Rückseite steht, unzweifelhaft von des Thebesius Hand: Literae (titul.) Conradi Albi Duo. Sil: videantur Annal. Silesiae lib. 2. Cap. 34 ad fm. pag. (unten) 130. intercessionales pro Ambros. Pitschin prius Notario, post Consule Lignic. Ciuibus tamen non obstantibus ille capite truncatus occubuit. — Diesen Brief hol H. Georgias Witich alsz ein singulare monumentum antiquitatis aufs Rathhaus gegeben. Den 27. Sept. 1645. — Der Brief wurde in das Zinsbuch Bitschens eingeheftet, wodurch er sehr gelitten hat, die Schrift in der Falte ist vielfach entstellt, in der unteren Hälfte durchgerissen. Eine Abschrift findet sich bei Thebesius (II, 331) mit mehrfachen Unrichtigkeiten, die Sammter zum Theil in seine Chronik S. 395 aufgenommen hat.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866